ప్లాట్ ఫాం లోకి ఇంకా రైలు రాలేదు ...
.ప్రయాణికులు రకరకాల శబ్దాలు వింటున్నారు ...
రకరకాల దృశ్యాలు చూస్తున్నారు...
వారికితెలియని ఒక ప్రపంచం అక్కడ నిర్మితమై ఉంది
కొడుకులు తరిమేసిన తల్లి
అనారోగ్యం తో తల్లడిల్లు ముసిలోడు
సవతి తల్లి సాధింపులకు ఇల్లు వదిలిన చిన్నారి
అప్పుడే రైలు కింద పడిన అనాధ దేహం
గాయాలతో యాచన చేస్తున్న రోగి
రెండు రైలు పట్టాల మధ్య ప్లాస్టిక్ పేపరైన అబ్బాయి
చెప్పుకొంటూ పొతే ప్లాట్ ఫాం పొడవంత జాబితా
రాసుకుంటూ పొతే రైలు పొడవంత జాతకం
ఇంకా రైలు రాలేదు ...
.ప్రయాణికులు రకరకాల శబ్దాలు వింటున్నారు ...
.రకరకాల దృశ్యాలు చూస్తున్నారు....
చాలా విషయాలు వారికి తెలిసినా , తెలియనట్లు జీవిస్తుంటారు ......
ప్లాట్ ఫాం వారికి రైలు ఆగే ప్రదేశం మాత్రమే !
No comments:
Post a Comment